Üsi Lideschaft isch z Singe
image-9202979-Rössli.w640.png
Mir üebe jede Mittwuch vom achti bis em zähni (20.00 - 22.00) im Reschtorant Rössli im Dürrenascht.

Wet Luscht hesch, chumm doch oh. Mir fröie üs uf jedi Ungerstützig.
image-9190856-DSC_1225.w640.JPG
Em Ahfang vo jeder Singprob gits zersch es churzes iturne füre Körper warm zmache. Er muess ja für zwo Schtung de fit sy.
image-9190859-DSC_1228.w640.JPG
image-9203522-DSC_Amtmig.w640.JPG
Nächhär zeigt üs dr Matthias Wüthrich es paar gueti Atmigsüebige, für d Lunge u d Schtimm zwo Schtung intensivs Singtrening bereit zmache.
image-9203543-DSC_Singen.w640.JPG
Itz geits los mit singe. 

Sig das im ganze Chor oder pro Stimmgruppe. Mir lehre jedes Lied vo Grund uf.

image-9203531-DSC_Gruppe.w640.JPG
image-9203528-DSC_gibt_alles.w640.JPG

image-9203534-DSC_Lachen.w640.JPG
Bim Probe git üse Dirigänt aues, um üs besser zmache u üs z fördere. 
Mir hei Spass, Lache viu u fouge üsem Dirigänt – meischtens.
Em Schluss vo jeder Prob informiert üs dr Presi nu über Aktuells u über Iladige, wo mir vo ängere Jodlerklüb übercho hei. Öppe em Zähni isch nähr d Prob fertig u mir göh nu i d Gaschtstubä um di trocheni Kehle ga
z'befüechte.
image-9203537-DSC_Schluss.w640.JPG
image-9190865-DSC_1314.w640.JPG
Nach dr Prob darf ihr Gaschtschtube vom Rössli natürlech es Liedli oder oh ä Jutz nid fähle. Dr Applous vo de Gescht isch üs sicher.

Heimer dy gluschtig gmacht?

Chum doch eifach amene Tsischtig em achti bi üs verby oder lüt üsem Presi oder Sekretär ah. 
Kontaktdate fingsch unger  "Kontäkt". 

Um d'Chleider muesch di oh nid kümmere.
Dr Mutz, d Hose u dr Huet überchunsch vom Klub zur
Verfüegig gschteut. U Mitgliderbitrag zausch us Aktivmitglid oh kene.

Chum eifach verby. Mir fröie üs wet chunsch.