Hie erfahrsch aui Nöigkeite vom Jodlerklub Edelwyss
Winterkonzärt nu aui zwöi Jahr
z nächschte Winterkonzärt findet em 29. Novämber 2020 statt.
D Aktivmitglieder vom Jodlerklub Edelwyss hei em 26. März 2019 beschlosse, das d Winterkonzärt nume nu aui zwöi Jahr duregfühert wärde. Ds nächschte Winterkonzärt findet drum em 29. Novämber 2020 em Namitatag em vieri ir Stadtchiuche Thun statt. Grund drfür sy die änge Zytabschtänd zwüsche em Winterkonzärt (Ändi Novämber) u em Konzärt u Theater (Mitti Februar).
image-9514850-DSC_1483.w640.JPG
Konzärt u Theater am 16./17. u 23. Februar 2019 ir Mehrzwäckhaue Allmedinge
Vor viu Publikum heimer dörfe di drei Abe vom Konzärt u Theater dürefüehre. 
Näbst fätziger Örgelimusig het der Gsamtchor vom Edelwyss schöni Lieder vortrage. Z Duett Ruedi u Ruedi het näbsch de schöne Lieder für einigi Lacher gsorget. Am Schluss het di klubeigeni Theatergruppe "Crazy Days im Alterheim" gspilt. Z Publikum het sech fasch gchrümmt vor lache. Es sy rundum drei schöni Aaläss gsy.
Meh Informatione zu dene Aaläss findet dir unger "Aaläss" u nähr "Föteli vo üsne Uftritte"
image-9454100-IMG_2971.w640.JPG
Ar HV vom 26.1.2019 hei mir dörfe ehrä (vo links nach rächts):
Peter Tschanz für 25 Jahr bim Edelwyss Thun
Ernst Rupp für 35 Jahr bim Edelwyss Thun
Hans-Peter Minnig für 10 Jahr bim Edelwyss Thun

image-9454316-IMG_2973.w640.JPG
Ar HV hei mir leider aber oh dr Hans-Ruedi Wüthrich müesse verabschide. Är tritt us gsundheitliche Gründ nach em Konzärt u Theater usem Edelwyss us. Mir wünsche em Hans-Ruedi uf däm Wäg aues Guete u danke ihm für die vielä schöne Jahr im Edelwyss Thun
Di erschti Jutzere bim Edelwyss
Em 23. Oktober 2018 hei mir d Yvonne Schertenleib aus erschti Frou sit langer Zyt im Jodlerklub Edelwyss ufgnoh. Mir fröie üs uf ä feini Kameradin u gueti erschti Jutzere. Härzlech wiukomme bi üs Yvonne.
Winterkonzärt
Fritig, 30. Novämber 2018, 20.00 Uhr i dr Stadtchiuche z Thun
Details gsesch unger "Aaläss". Mir serviere nachem Konzärt ume feine Tee, Glüewy u säubergmachti Güezi. Nid vergässe. Mir fröie üs uf dis/öies Erschine.