🧐 Einblick in unser Vereinsleben...

94. Hauptversammlung 31.01.2026

Der Jodlerklub Edelweiss Thun zieht sich aus der Öffentlichkeit zurück

An der 94. Hauptversammlung vom 31.01.2026 wurde der Vorstand und die musikalische Leitung geschlossen wiedergewählt. Für unglaubliche 60 Jahre Mitgliedschaft im Klub wurde Ernst Fahrni geehrt, für 30 Jahre Ruedi Schertenleib, für 25 Jahre Albert Bhend und 15 Jahre mit dabei ist Philipp Müller. Zudem wird Albert Bhend die Auszeichnung zum „Veteran“, für 25 Jahre dem BKJV angehörend, verliehen. Trotz Vergabe all dieser schönen Anerkennungen hat der Klub an dieser HV einstimmig beschlossen, sich aus der Öffentlichkeit zurückzuziehen und keine Engagements mehr anzunehmen. Dies mangels, neuer, jüngeren Stimmen und in Folge natürlicher Überalterung in jedem Register. Unter Einhaltung der Statuten ist die administrative Auflösung des Vereins auf die 95. HV am 30.01.2027 geplant.

Wir laden Sie herzlich zu unserem Abschiedskonzert ein. Am Samstag 30. Mai 2026 in der Reithalle Thun EXPO. Erweisen SIE uns die Ehre und verbringen Sie den letzten Konzertabend mit uns.... Details zu gegebenem Zeitpunkt hier.....

Der grosse Wandel der Gesellschaft, aber auch die zahlreichen Alternativen an „Hobby-Angeboten“ und anderweitig angesiedelten Interessen bringen mit sich, dass es nahezu unmöglich ist, neue Sänger/innen zu finden, in den Städten umso mehr. Die Anerkennung der UNESCO „das Jodeln“ als immaterielles Weltkulturerbe, ist eine super Sache (hier angefügt ein grosser Dank den Initianten), unterstützt die Klubs aber leider nicht am „Bestehenbleiben“. Kinderchöre sind im Aufwind, das freut und macht Mut, aber Sänger/innen in „integrationsfähigem“ Alter klopfen keine an. Das ist leider die Realität....

Fritig 9. Januar 2026

Erschti Vorstandssitztig im 2026 i dr Brassi ds Stäffisburg. O wes nid nume Fröhlechs ds diskutiere het gäh, hei mir e gueti Sitzig gha mit aschliesendem Ässe mit de Froue.

2025

Am Samschtig, 20 Dezämber 2025 hei mir ir dr "alte Schlosserei" in Thun zäme Wiehnachte gfiiret....

www.alteschlossereiburgstrasse9.ch

E wunderbar schön deckte Tisch hei mir atroffe, mir si so richtig i Wiehnachtsstimmig cho....

E fröhlechi Rundi si mr gsi....

O die chlinschte si mit vor Partie gsi. U we Lenny nid im Hof usse e Fründin gfunge hät, wär dä o uf em ne Biud.... 😉😂

U de sie mr de ono wunderbar verchöschtiget worde. Vom Apéro über ne feine Nüsslersalat zum Kalbsfilet bis hin zum Ofeschlupfer sie mir sehr verwöhnt worde. Es isch eifach dr Hammer gsi. Falko, Jessie und Team Dir heit das grandios gmacht D A N K E V I E U M A U !!!

Ds Jahr geit em Ändi zue. Mir luege uf enes ungerhaltsams u fröidigs Jahr zrugg. Was üs ds Nächschte bringt, wärde mir gseh. Leider nach wie vor nid die "junge Nachkome", sondern mir u üse kameradschaftlech Zämehalt u die gueti Chemie wärde da derfür dr Grundstei lege.......

DANKE FÜR AUES LIEBI KAMERADE

⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐

H A P P Y N E W Y E A R

-------------------------------------------------------------------------------------

Das bürgerliche Lager – SVP, Mitte und FDP – hat am Samstagabend, 29.11.2025 im Hotel Aare in Thun ihre Kandidatinnen und Kandidaten für die städtischen Wahlen im November 2026 nominiert. "Dr Jodlerklub Edelweiss Thun het dä Abe musikalisch dörfe umrahme."

25.10.2025 Unterhaltungsabend im Rössli Dürrenast...

Nächscht Jahr, faus mrs aus Klub möge stemme und erläbe, 24.10.2026 zur selben Zeit in selbem "Theater" .....

******************************************************

Klubusflug Samschtig 4. Oktober 2025 Bernhard Luginbühlpark Mötschwil

Mir si im Luginbühlpark nid zum stuune us cho. Was dä Maa i sim Läbe alles bewärchstelliget het isch ungloublech. Üsi Hochachtig isch ihm sicher. Mir si dert fürschtlech mit Apéro u Plättli bewirtet worde u si när mit üsem gmögige Schofflör wyter trötschgelet i ds Löchlibad nach Obergoldbach. E so e schöne u gmüethlech Gasthof im Ämmitau wo me nume cha empfähle. Mit em ne feine Mönü si mer verwöhnt worde, u es "Mostchöpfli" het de o nid dörfe fähle. Sogar üse Merrängge-Moudi isch ume uf sini Rächnig cho.... Ds Wätter het Gott Lob mitgmacht. Ersch uf der Heifahrt isch es cho rägne..... Aus i auem e glungene u fröhleche Usflug isch das gsi...

Mittwoch 6. August 2025

Hach.... 😍 können Überraschungen schön sein.......... zum Geburtstag "es Ständli" für unsern "Freund und Kupferstecher" Paul Stuker.

Am Zieschtig 8. Juli 2025 hei mir, anstatt probet im Rössli, üses Summerbrätle ufem Programm gha. We me berücksichtiget, dass Tämperature vo schier 30 Grad uf d'Heufti abe gheit si, hei mir guet usgwähut, si mir i ds Waldrandbeitzli uf Äschle bi Oberdiessbach. Dert si mr fürschtlech vo Erwin u dr Barbara verwöhnt u vo Käthi bewirtet worde. Unkompliziert, fein u gmüetlech, äbe GASCHTFRÜNDSCHAFT. Mir heis aui sehr gnosse, härzleche Dank DIR DRÜ.🙏 Gwüss schier gäge Mitternacht zue isch es gange wo mir de du mit em ne "DibiDäbi" gsterkt 🙃 dr Waudrand richtig Bettehuse hei verlah.

U DE GEIT HAUT NÜT ÜBER NE GUETI KAMERADSCHAFT, ES HET MEGA GFÄGT KAMERADE !

Hie es paar Idrück:

üse Merängge-Moudi

Am 1. Juli 2025 hei mir im SILEA im Gwatt d'Bewohner mit üsne "Xsäng" erfröit u "Thunerbuebe" hei üsi Verschnufpouse mit ihrne Musigilage usgfüllt.. Es isch tüppig u heiss xsi, d'Mineralquelle Adelbode het chum nachemöge mit Nachschueb liefere..... 🤣

Mir hei am 10. Mai 2025, am LETSCHTE FRÜHLIGSKONZÄRT vo de THUNER-VERBANDS-JODLER-KLÜB i dr Rithalle ds Thun dörfe drbi si. Es het Zyte gäh, da hets ufem Platz Thun 10 Jodlerklüb gäh. Am letschte Konzärt sis mit em Allmendinger-Chörli zäme, no grad vier Klüb gsi. (JK Thun-Heimelig Thun, JDQ Bärgfründe Thun u üsi Wenigkeit). Dr Verein TVJK gseht ke Notwändigkeit meh ufrächt erhalte ds wärde und wird somit ufgläst. " ja die Zeiten ändern sich....."

Ds "astössige Läbe" geit im 2025 grad wyter.... mit Träberwurstässe und em Werner Wenger sim Geburtstag..... das kann ja noch heiter werden....😂👍